Beth i'w ddod

Dewch â dillad addas a gwisgwch esgidiau addas ar gyfer cawodydd a gwynt ar y lan yn ogystal ag eli haul a dŵr ar gyfer tywydd cynhesach o bosibl.

Mae toiledau ar gael yn Theatr y Ddraig ac mae llwybr gwastad i'r safle bws a'r meysydd parcio ac oddi yno, ac o'r theatr i'r traeth tywodlyd lle byddwn yn cynnal sesiwn glanhau traeth ac yn cael helfa wyau siarcod. Bydd yr holl offer yn cael ei ddarparu ar gyfer y gweithgareddau ac mae meinciau ar gael ar hyd y promenâd. 
 
Cyrraedd yno: Teithiwch ar fws o Ddolgellau: Daliwch fws T3 Traws Cymru am 10:05am gyda thocyn diwrnod am £6 o Stand 1, Sgwâr Eldon, Dolgellau gan reidio pedwar arhosfan i Ffordd Jiwbilî, Y Bermo a dychwelyd ar y bws 14:32.
 
Teithio mewn car i’r Bermo: I’r rhai sy’n dymuno teithio’n annibynnol mae’r meysydd parcio canlynol yn derbyn arian parod neu defnyddiwch yr ap talu ar eich ffôn am £5.55 drwy’r dydd:
o        Ychydig o le parcio ym maes parcio Jiwbilî 
o        Maes Parcio Canolfan Hamdden y Pafiliwn

Bydd cinio’n cael ei ddarparu a gall pawb sy’n mynychu hawlio costau tocynnau bws a pharcio yn ôl gan y prosiect.
 
 

Os oes arnoch chi angen unrhyw gymorth neu addasiadau i'ch helpu i fynychu'r digwyddiad yma, neu gyngor ar deithio i'r digwyddiad, cysylltwch â ni.
 
 

Bydd y digwyddiad yma’n cael ei gyflwyno'n ddwyieithog. Os bydd tywydd garw, bydd y digwyddiad yn cael ei gynnal yr un fath gyda gweithgareddau eraill dan do.