Paul Naylor
Ein partneriaid ni
Mae Ymddiriedolaeth Natur Gogledd Cymru’n ffodus iawn o gael cefnogaeth hael gan bob math o gyrff sy’n dyfarnu grantiau, cyllidwyr a phartneriaid; yn amrywio o roddion o ychydig gannoedd o bunnoedd ar gyfer prosiectau tymor byr i gannoedd ar filoedd o bunnoedd ar gyfer rhaglenni ar raddfa fawr sy’n para am sawl blwyddyn.
Mae’r Ymddiriedolaethau Natur yn gyffredinol yn hynod ddiolchgar i chwaraewyr Loteri Cod Post y Bobl: loteri elusennol sy'n codi arian hanfodol i gefnogi ystod enfawr o achosion da.
Diolch i gefnogaeth y chwaraewyr, bydd yr Ymddiriedolaethau Natur yn ysbrydoli ac yn cysylltu pobl â byd natur drwy rywogaethau gwerthfawr a llefydd gwyllt pwysig; yn darparu cyfleoedd i filoedd o blant o bob oedran dreulio amser ym myd natur drwy weithgareddau dysgu awyr agored; ac yn sefyll dros lefydd gwyllt a’u hamddiffyn pan maent yn wynebu bygythiad sylweddol.
I ddarganfod mwy am sut mae chwaraewyr Loteri Cod Post y Bobl yn cefnogi'r Ymddiriedolaethau Natur, cliciwch yma.
Yma yng Ngogledd Cymru, mae’r chwaraewyr yn cefnogi ...
Family bird watching_David Tipling 2020 VISION
Mynd yn Wyllt!
Mae Ymddiriedolaeth Natur Gogledd Cymru’n cynhyrchu Gwyllt! – y cylchgrawn Cymraeg cyntaf, a’r unig un, i ieuenctid sy’n hoff o fywyd gwyllt. Yn llawn lluniau, posau a chystadlaethau gwych, mae poster bywyd gwyllt am ddim ar gael ym mhob rhifyn, neu daflen weithgarwch – beth am ddod yn aelod o’r teulu i’w weld drosoch eich hun?
Sea gooseberry_Paul Naylor
Shoresearch Cymru
Arolygon Shoresearch yw astudiaeth Gwyddoniaeth y Dinesydd yr Ymddiriedolaethau Natur o'r gofod hwnnw a ddatgelir bob dydd gan y llanw sy'n mynd allan.
Mae gwirfoddolwyr wedi'u hyfforddi i adnabod a chofnodi'r bywyd gwyllt ar ein glannau, ac mae'r data sy’n cael eu casglu yn helpu arbenigwyr i fonitro ein bywyd môr bregus a deall effeithiau llygredd, newid yn yr hinsawdd a rhywogaethau estron ymledol yn well.
Datblygwyd arolygon Shoresearch yng Ngogledd Cymru i roi sylw i anghenion ein glannau lleol ochr yn ochr â Chyfoeth Naturiol Cymru. Maent ar fin dod yn becyn rheolaidd sy'n helpu ein gwirfoddolwyr i fonitro ein glannau, gan ganolbwyntio'n benodol ar Ardaloedd Gwarchodaeth Forol a Rhywogaethau Ymledol Morol.
Big Pool Wood Nature Reserve © Roger Riley
Llefydd gwyllt i’w darganfod
Mae ein gwarchodfeydd natur ar agor i bawb eu mwynhau, am ddim, drwy gydol y flwyddyn – diolch i gefnogaeth ein haelodau a’n partneriaid, gan gynnwys chwaraewyr y People’s Postcode Lottery!