Ynglŷn â'r digwyddiad

Wrth edrych ar Lyn Brenig a'r cyffiniau heddiw, mae'n anodd dychmygu bod yr ardal yma ar un adeg yn fynwent helaeth o'r Oes Efydd. Ymhell cyn i'r llyn fodoli, roedd ein hynafiaid ni’n defnyddio'r ardal ar gyfer ffermio, angladdau a seremonïau. Fel tystiolaeth o'r olaf, fe wnaethant adael llawer o henebion carreg ar eu hôl, ac mae posib gweld nifer ohonyn nhw hyd heddiw. Ymunwch â'r archaeolegydd Gillian Smith am sgwrs unigryw a rhyfeddol gyda darluniau am gyn-hanes yr ardal. 

Bydd y sgwrs yn cael ei chyflwyno gan synau hynafol y didgeridoo a 'chwedl blaidd' gan y storïwr Andy Harrop-Smith. Wedyn, os byddwch yn dymuno, gallwch ymuno â thaith dywys ar hyd Llwybr Archaeoleg Llyn Brenig gydag Andy a Sarah (Swyddog Prosiect Gweilch y Pysgod y Brenig) o amgylch yr henebion angladdol sydd i’w gweld o hyd ar y bryniau a glan y llyn (taith gerdded o tua 4km / rhai bryniau). Bydd y daith (sydd ddim yn orfodol!) yn gofyn am daith fer mewn car i ochr bellaf y llyn, sy'n cynnwys rhai traciau gyda thyllau ynddyn nhw, ond mae posib teithio arnyn nhw. 

Bydd angen esgidiau cerdded da a dillad sy’n dal dŵr rhag ofn y bydd glaw.