Gweithredoedd ar gyfer pryfed

Mae 41% o’r rhywogaethau o bryfed yn wynebu difodiant. Mae pryfed yn diflannu hyd at 8 gwaith yn gyflymach nag anifeiliaid mwy. 

Mae hwn yn achos pryder difrifol – i ni, yn ogystal ag i fywyd gwyllt. Mae pryfed yn peillio tri chwarter ein cnydau bwyd ni a dyma’r brif ffynhonnell o fwyd ar gyfer llawer o adar, mamaliaid bychain a physgod.

Mae colli cynefinoedd a gorddefnydd o blaladdwyr yn ddau brif achos y trychineb yma sydd ar y gorwel. Ond nid yw’n rhy hwyr i weithredu. Gall poblogaethau o bryfed adfer ac rydyn ni’n gwybod beth sydd angen ei wneud i’w hachub nhw.

Gyda’n gilydd, gallwn greu Dyfodol Gwyllt i bryfed.

Mae’r adroddiad hwn, gan yr Athro Dave Goulson, yn crynhoi rhywfaint o’r dystiolaeth orau sydd ar gael am ddirywiad pryfed ac mae’n cynnig cyfres gynhwysfawr o gamau gweithredu y gellir eu rhoi ar waith ar bob lefel mewn cymdeithas er mwyn adfer eu hamrywiaeth a’u niferoedd.

Rydyn ni eisiau gweld Rhwydwaith Adfer Natur yn rhan o’r gyfraith fel bod gan fyd natur fwy o lefydd gwyllt sy’n fwy ac wedi’u cysylltu’n well. Drwy greu ‘llecynnau pryfed’ yn eich gardd i ddenu pryfed, bydd eich ardal wyllt yn dod yn rhan o’r darlun mwy – byd naturiol cysylltiedig lle gall bywyd gwyllt ffynnu. Gwyliwch ein ffilm fer Wilder Future gyda Syr David Attenborough yn esbonio pwysigrwydd Rhwydweithiau Adfer Natur.