Cyllidir y Rhaglen gan Stad y Goron ac mae’n cael ei rheoli gan Ymddiriedolaeth Natur Gogledd Cymru a chaiff ei gweithredu mewn partneriaeth â Stad y Goron, M-SParc, Menter Môn a Cyfoeth Naturiol Cymru (CNC). Mae pob sefydliad partner yn darparu cyfleoedd i’r intern ddatblygu sgiliau yn y gwaith mewn meysydd arbenigol, gan gynnwys cyngor cadwraeth forol, pysgodfeydd cynaliadwy, datblygu ynni adnewyddadwy, polisi morol, ac ymgysylltu â chymunedau. Drwy’r rhaglen bydd yr intern yn cael cynnig profiad a golwg gytbwys ar yrfa yn yr amgylchedd morol a sut gall gwahanol sectorau gydweithio. Bydd yr intern yn cael cyfle i ymgymryd â phrosiect ymchwil annibynnol yn canolbwyntio ar bwnc sy'n berthnasol i bob partner. Bydd gweithgareddau ychwanegol yn cynnwys ymgysylltu â rhanddeiliaid, creu deunyddiau allgymorth addysgol rhithwir a gwaith maes ecolegol.

Bydd yr interniaid llwyddiannus yn dilyn amserlen amrywiol a fydd yn caniatáu iddynt ddysgu ystod o sgiliau a chael profiadau amrywiol, gan gynnwys:

• gweithio gydag amrywiaeth o dimau ar draws gwahanol sectorau
•  ysgrifennu ar gyfer gwahanol gynulleidfaoedd
• gweithio gyda chymunedau lleol i godi ymwybyddiaeth o faterion amgylcheddol
• cynnal arolygon
•  y defnydd o gyfryngau cymdeithasol yn y gweithle
• cyflwyno cyfweliadau a chyflwyniadau gyda'r cyfryngau
• cymryd rhan mewn cyfarfodydd, hyfforddiant a gweminarau ar-lein.

Bydd y ddau intern yn cael y cyfle hefyd i ymgymryd â phrosiect ymchwil ar y cyd, gan edrych ar bwnc ymarferol sy'n berthnasol i bob sefydliad partner. Bydd hyn yn golygu gweithio gyda thimau gwahanol ar draws y sefydliadau partner.

Rydym yn chwilio am ddau intern a all adeiladu ar eu sgiliau a'u gwybodaeth bresennol i wneud y gorau o'r profiad unigryw yma. Dylai’r ymgeiswyr fod â dealltwriaeth dda o faterion morol cyfredol a rhywfaint o brofiad o weithio neu wirfoddoli yn y sector morol. Yn bwysicaf oll, rydym yn chwilio am ymgeiswyr sy'n angerddol ac yn frwdfrydig am yr amgylchedd morol ac sy'n barod i ddysgu, yn drefnus, yn llawn hunangymhelliant, ac yn gallu gweithio'n dda o fewn tîm, o bell ac wyneb yn wyneb.

Mae’n hanfodol bod gan yr ymgeiswyr llwyddiannus ddealltwriaeth o ddiwylliant Cymru a’r iaith Gymraeg, gyda’r gallu i weithio o fewn tîm dwyieithog ac yn ymrwymo i ddysgu’r iaith os yn ddysgwr.

Mae Ymddiriedolaeth Natur Gogledd Cymru yn gwerthfawrogi angerdd am natur, parch, ymddiriedaeth, uniondeb, arloesedd a arweinir gan dystiolaeth, brwdfrydedd a chryfder mewn amrywiaeth. Rydym yn angerddol wrth hyrwyddo ein nodau ac yn gyflogwr cynhwysol. Rydym am i’n pobl fod mor amrywiol â byd natur, felly rydym yn annog yn arbennig geisiadau gan bobl sy’n cael eu tangynrychioli yn ein sector, gan gynnwys pobl o gefndiroedd lleiafrifol a phobl ag anableddau. Rydym wedi ymrwymo i greu sefydliad sy'n cydnabod ac yn gwerthfawrogi gwahaniaethau a hunaniaethau unigol.

Rydym wedi ymrwymo i gynnig cyfweliad i unrhyw un ag anabledd sy’n bodloni’r holl feini prawf hanfodol ar gyfer y swydd. Rhowch wybod i ni os oes angen unrhyw addasiadau arnoch i wneud ein proses recriwtio yn fwy hygyrch.

Rydym yn cymryd ein cyfrifoldebau Diogelu o ddifrif. Cliciwch yma i ddarllen ein datganiad ymrwymiad Efallai y bydd y rôl hon yn amodol ar wiriad DBS.

Sut i wneud cais

Mae Disgrifiad Swydd llawn ynghyd â'r Ffurflen Gais am Swydd a Thabl Lefel y Gymraeg i'w gweld isod.
Lawrlwythwch a chwblhewch y Ffurflen Gais am Swydd i marinefutures@cumbriawildlifetrust.org.uk

Sylwch na fydd CVs yn cael eu derbyn ac ni fydd ceisiadau a ddaw i law ar ôl y dyddiad cau yn cael eu hystyried.

Dyddiad cau ar gyfer ceisiadau: Hanner Dydd Dydd Llun 11fed o Ebrill