Water vole © Terry Whittaker/2020VISION
Rydyn ni'n dod â byd natur yn ôl yng Ngogledd Cymru
Gyda chefnogaeth ein haelodau a’n gwirfoddolwyr, a’n cyllidwyr a’n partneriaid, rydyn ni’n gweithio i adfer byd natur, i rymuso pobl i weithredu dros natur, ac i greu cymdeithas lle mae natur yn bwysig.
Rydyn ni’n gwneud hyn drwy reoli tirweddau naturiol yng Ngogledd Cymru, gan gynnwys mwy na 750 o hectarau o dir, yn ein 35 o warchodfeydd natur a thu hwnt. Rydyn ni hefyd yn gweithio i godi ymwybyddiaeth a gwarchod dyfroedd arfordirol pwysig Gogledd Cymru.
Rydyn ni’n gweld gwerth yn y cysylltiad rhwng cynefinoedd naturiol, bywyd gwyllt a phobl, ac yn gweithio gyda thirddeiliaid, busnesau, sefydliadau ac unigolion i greu, gwella a chysylltu cynefinoedd yng Ngogledd Cymru. Rydyn ni hefyd yn darparu gwasanaethau cynllunio a gwasanaethau proffesiynol eraill i awdurdodau lleol, busnesau ac unigolion.
Ein gwarchodfeydd natur
Rydyn ni’n rheoli 35 o warchodfeydd natur ar draws Gogledd Cymru. O goetir hynafol, gweundir yr ucheldir, rhostir a glaswelltir llawn rhywogaethau i lagŵnau arfordirol a thwyni, a gwlybdir, mae’r safleoedd sydd o dan ein gofal ni’n gartref i amrywiaeth eang o gynefinoedd a bywyd gwyllt.
Wildflower meadow on the Wrexham Industrial Estate Living Landscape project © Mark Greenhough
Ein gwaith ni yn y dirwedd ehangach
Rydyn ni’n gweithio ar raddfa’r dirwedd gyda thirddeiliaid, busnesau, sefydliadau ac unigolion i greu, gwella a chysylltu cynefinoedd yng Ngogledd Cymru.
Mark Thomas
Ein gwaith ni yn yr amgylchedd morol
Fel hyrwyddwyr naturiol ar gyfer bywyd gwyllt arfordirol a morol rydyn ni’n gweithio tuag at ein gweledigaeth ar gyfer cadwraeth forol yng Ngogledd Cymru, lle mae bywyd gwyllt yn ffynnu, o'r dyfnderoedd i'r dŵr bas arfordirol.
Rydyn ni’n cefnogi pobl o bob oed i weithredu dros fyd natur, drwy weithgareddau ymarferol i helpu byd natur i ffynnu lle maen nhw’n byw a thrwy ysbrydoli pobl yn ein digwyddiadau bywyd gwyllt cyffrous niferus mewn gwarchodfeydd natur ac mewn cymunedau ar draws y rhanbarth, drwy gydol y flwyddyn!
Sefwch dros natur gyda ni! Rydyn ni’n ymgyrchu ar ran ein byd naturiol gwerthfawr a, gyda 46 o Ymddiriedolaethau Natur eraill ar draws y DU a’r ynysoedd, rydyn ni’n codi ein llais am faterion o bryder lleol, cenedlaethol a byd-eang.
Rydyn ni’n cefnogi cymunedau
Rydyn ni’n gweithio gyda chymunedau ar draws y rhanbarth i wella mannau a rennir ar gyfer bywyd gwyllt ac i ddod â phobl yn nes at natur.
Rydyn ni’n ymgyrchu dros fyd natur
Mae bywyd gwyllt Gogledd Cymru angen eich help chi nawr yn fwy nag erioed. Dangoswch eich cefnogaeth drwy gefnogi ein galw am weithredu cadarnhaol i adfer byd natur yn lleol, yng Nghymru ac ar draws y DU gyfan.
Volunteers at Cemlyn © NWWT
Gallwch chi ein cefnogi ni hefyd
Rydyn ni ar flaen y gad o ran cadwraeth natur a gwarchod bywyd gwyllt yn y rhan brydferth yma o’r byd, ond ni allwn ni gyflawni’r gwaith pwysig yma heb gefnogaeth pobl fel chi.