Prosiect Gofod Glas

Rydyn ni’n gwybod y gall prosiectau cadwraeth ar raddfa’r dirwedd gael effaith ar lawr gwlad ond, er mwyn cyflawni newid gwirioneddol a pharhaol, rhaid cydnabod pobl a’u cymunedau fel y prif sbardun yn adferiad byd natur.

Mae prosiect Gofod Glas yn archwilio’n greadigol berthynas pobl â dŵr croyw yn nalgylch afon Conwy. Fel prosiect datblygu mae'n ceisio darganfod pam fod hyn yn bwysig i bobl ac yn archwilio sut gallwn weithio tuag at ddŵr croyw glân ac iach yn y dyfodol.

Rydyn ni wedi derbyn cymorth ariannol gan Sefydliad Esmée Fairbairn i archwilio a thrafod thema dŵr croyw gyda chwilfrydedd. Rydyn ni’n ceisio cydweithio â chymunedau mewn ffyrdd gwahanol a diddorol, gan fod yn agored i drafodaethau, yn ymatebol i geisiadau ac â diddordeb mewn syniadau.

Mae Gofod Glas eisiau archwilio beth mae dŵr yn ei olygu i chi. Sut rydych chi'n rhyngweithio ag ef a chwestiynau fel: Beth yw eich perthynas chi â dŵr? Beth yw eich dealltwriaeth? Beth yw eich persbectif? Gyda’n gilydd gallwn archwilio ble i ddod o hyd i’r atebion, a beth allent fod.

Ewch i wefan Gofod Glas

Ymunwch â chymuned o ddiddordeb sy'n dod i'r amlwg drwy gofrestru ar gyfer rhestr bostio Gofod Glas.

Mae Gofod Glas Conwy yn bartneriaeth rhwng Ymddiriedolaeth Natur Gogledd Cymru (Rhif Elusen: 230772), Dyffryn Dyfodol (Ffiwsar) (Cwmni Budd Cymunedol - Rhif Cofrestru’r Cwmni 11302487) a Chyfoeth Naturiol Cymru (Corff a Noddir gan y Llywodraeth)