Sefyll Dros Natur Cymru

Stand for Nature Wales members standing in garden in branded kit

@ NWWT

GWEITHREDU IEUENCTID DROS NATUR A'R HINSAWDD

Fforwm ieuenctid Môn Gwyrdd (https://www.northwaleswildlifetrust.org.uk/cy/cyfarfyddwch-fforwm-ieuenctid-mon-gwyrdd)

Hyrwyddwyr Achub Cefnfor (https://www.northwaleswildlifetrust.org.uk/cy/hyrwyddwyr-achub-cefnfor)

Hyfforddiaeth Haf (https://www.northwaleswildlifetrust.org.uk/youth-traineeship-2023)

Addewid Dim Plaladdwyr! (https://www.wtwales.org/cy/addewid-dim-plaladdwyr)

Mae Sefyll dros Natur Cymru yn brosiect newid hinsawdd ieuenctid cenedlaethol gydag uchelgais mawr!

Mae’r pum Ymddiriedolaeth Bywyd Gwyllt yng Nghymru yn ymuno i ysgogi pobl ifanc i fynd i’r afael â’r argyfyngau hinsawdd ac ecolegol yn uniongyrchol. Rydym yn gweithio i rymuso ac ysbrydoli pobl ifanc i weithredu dros natur a'r hinsawdd yn eu cymunedau lleol mewn ymdrech i leihau eu heffaith amgylcheddol ar y cyd. O Gaerdydd drefol i Ynys Môn wledig, mae pobl ifanc yn sefyll dros natur a sicrhau dyfodol gwyrddach, ac rydym eisio chi i ymuno â ni!

Mae'r prosiect wedi bod yn bosibl diolch i 'Gronfa Gweithredu Hinsawdd' y Loteri Genedlaethol, sef cronfa ddeng mlynedd gwerth £100 miliwn sy'n cefnogi cymunedau ledled y DU i weithredu ar y newid yn yr hinsawdd.

Stand for Nature Wales / Sefyll Dros Natur Cymru (https://youtu.be/QjQWPP-h4aI)

@WTW

Yma yng Ngogledd Cymru rydym yn gweithio ar Ynys Môn, yn cefnogi ac yn ehangu fforwm amgylcheddol a arweinir gan bobl ifanc ac yn cysylltu ag ysgolion lleol, busnesau, sefydliadau sector cyhoeddus, elusennau a grwpiau cymunedol llawr gwlad i helpu i wella seilwaith gwyrdd a hyrwyddo cynaliadwyedd ar yr ynys.

O Borth Swtan i Landdwyn, a Phorth Dafarch i Lligwy bydd ein pobl ifanc anhygoel yn cynnal ymgyrchoedd a phrosiectau ar draws Ynys Môn. Mae’r holl weithgareddau’n cael eu harwain yn gyfan gwbl gan bobl ifanc a byddant yn cael eu hwyluso gan ein tîm ymgysylltu a datblygu ieuenctid ymroddedig.