Corkwing wrasse_Sally Sharrock
Yr Wythnos Forol Genedlaethol
27 Gorffennaf – 11 Awst 2024
Plymiwch i mewn!
Plymiwch i'n byd tanddwr hudol gyda'n dathliad blynyddol o bopeth morol! Thema eleni yw ein perthynas gyda'r môr a byddwn yn tynnu sylw at sut mae gennym ni i gyd gysylltiad agos â'r môr a pham mae amgylchedd morol ffyniannus ac iach yn bwysig. O wlithod a chwistrellau, i lamhidyddion a dolffiniaid Risso, mae moroedd Gogledd Cymru yn llawn bywyd.
60 Miri Morol
Helpwch ni i ddathlu mewn steil trwy lawrlwytho ein pecyn morol '60 Miri Morol', sy'n llawn dop o weithgareddau cyffrous sy'n addas i'r teulu cyfan! Mae gennym ddigon i'ch cadw'n brysur o'r lan neu o gartref, gan gynnwys taflenni defnyddiol ar gyfer canfod rhywogaethau a ffyrdd o gymryd rhan yn ein gwaith!
Small Spotted Catshark Eggcase © NWWT
Helfeydd plisg wyau siarcod a môr-gathod!
Ydych chi wedi clywed am bwrs y fôr-forwyn erioed? Plisg wyau siarcod a môr-gathod yw’r darganfyddiadau anhygoel hyn mewn gwirionedd.
Mae pob plisgyn ŵy yn dal un siarc bach sydd, unwaith y bydd yn deor, yn nofio i ffwrdd ... mae'r plisg wyau gwag yn cael eu golchi ar ein glannau ni, yn barod i ni eu casglu!
Intertidal Zone © NWWT
Archwilio Pyllau Rhynglanwol
Archwiliwch ar hyd y parth rhynglanwol am bob math o greaduriaid cyffrous! Defnyddiwch y taflenni adnabod i dicio pa rywogaethau rydych chi wedi'u canfod yn byw yn eich pyllau creigiog lleol.
Ydych chi wedi sylwi ar dentaclau coch tywyll yr anemoni gleiniog? Neu grafangau glas y cranc nofio melfed?
Cofiwch ei bod yn bwysig iawn cadw at y cod pyllau creigiog tra rydych chi ar y traeth, a gwnewch yn siŵr nad oes unrhyw anifeiliaid yn cael eu symud na'u hanafu.
Morwellt Achub Cefnfor
Planhigyn blodeuol sy'n byw o dan ein dyfroedd yw morwellt. Mae ganddo lawer o fanteision anhygoel, gan gynnwys helpu’r frwydr yn erbyn newid yn yr hinsawdd, cynnal miloedd o rywogaethau a diogelu ein harfordiroedd rhag erydiad.
Mae Ymddiriedolaeth Natur Gogledd Cymru yn bartner cyflenwi prosiect Morwellt Achub Cefnfor, sy’n anelu at adfer dolydd morwellt yng Ngogledd Cymru.
Ddim wrth yr arfordir? Peidiwch â phoeni!
Nid dim ond i’r rhai sydd â mynediad i'r arfordir yn unig mae’r Wythnos Forol Genedlaethol!
Gall pawb gymryd rhan, dim ots ble rydych chi'n byw!
Chwiliwch am eich hoff rywogaethau morol isod a dysgwch bopeth sy'n eu gwneud mor anhygoel!
Blue Shark © - Dan Bolt www.underwaterpics.co.uk
