Os ydych chi ffansi cynnal stondin gacennau neu blanhigion; cwblhau taith gerdded, nofio neu ganŵio noddedig neu ddim ond enwebu Ymddiriedolaeth Natur Gogledd Cymru fel yr elusen o’ch dewis ar gyfer ffair leol neu garnifal, bydd pob ceiniog fyddwch chi’n ei chodi’n mynd tuag at warchod bywyd gwyllt a llefydd gwyllt ledled Gogledd Cymru.

Mae prosiect Gofod Glas yn archwilio’n greadigol berthynas pobl â dŵr croyw yn nalgylch afon Conwy. Drwy bartneriaeth gydweithredol rhwng Ymddiriedolaeth Natur Gogledd Cymru, CIC Dyffryn Dyfodol a Chyfoeth Naturiol Cymru, bydd tîm o ymarferyddion creadigol yn cydweithio â chymunedau mewn ffyrdd gwahanol a diddorol - gan fod yn agored i drafodaethau, yn ymatebol i geisiadau ac â diddordeb mewn syniadau.

Nid yn unig bod mawndiroedd yn gynefinoedd gyda fflora a ffawna tra arbennig, ond maent hefyd yn chware rhan bwysig mewn rheoli’r hinsawdd yn fyd eang. Yng Ngwarchodfa Natur Cors y Sarnau mae y swyddog prosiect newydd Richard Cutts yn gweithio â phartneriaid rhyngwladol i wella ein dealltwriaeth o’r brosesau sydd yn gysylltiedig, adfer mawndir a sut y gall ein gwaith gyfrannu at ymgyrch 30 by 30 yr Ymddiriedolaethau Natur.

Ein Polisïau

Mae’r 35 o warchodfeydd natur sydd gan Ymddiriedolaeth Natur Gogledd Cymru i gyd yn unigryw yn eu ffordd eu hunain. Maen nhw’n gartref i blanhigion ac anifeiliaid cyffredin a phrin sydd ddim efallai’n bodoli yn unman arall yng Ngogledd Cymru. Mae defnydd anghyfrifol o’n gwarchodfeydd natur ni’n cynnwys mynd â chŵn am dro oddi ar dennyn, a beicwyr, loncwyr a cherddwyr sy’n gwyro oddi ar y llwybrau troed yn arwain at effeithiau negyddol enfawr ar y safleoedd sensitif hyn.