Share

Celf Tylluanod ar gyfer Corsydd Môn!

Fel rhan o’n prosiect Corsydd Calon Môn i warchod a hyrwyddo safleoedd corsydd arbennig Ynys Môn, rydyn ni bob amser yn chwilio am ffyrdd o ddod â phobl yn nes at dirweddau a bywyd gwyllt unigryw corsydd Ynys Môn. Mae ein gweithgarwch diweddaraf ni’n gwneud hynny yn union – gan gyfuno celf, creadigrwydd cymunedol, a chadwraeth bywyd gwyllt yn un fenter hardd.

Diolch i gyllid gan Sefydliad Esmée Fairbairn a Chronfa Dreftadaeth y Loteri Genedlaethol – sy’n bosibl diolch i chwaraewyr y Loteri Genedlaethol – rydyn ni wedi creu rhywbeth gwirioneddol arbennig: bocs tylluanod wedi’i addurno â llaw yn arddangos doniau artistig pobl ifanc Ynys Môn.

Sut daeth celf plant yn focs tylluanod

Fe ddechreuodd y siwrnai ar ein stondinau Corsydd Calon Môn ni yn Sioe Môn 2024 a Gŵyl Fwyd Llangefni ym mis Hydref. Daeth teuluoedd draw i ddysgu am y prosiect, a chymerodd plant a phobl ifanc ran mewn gweithgaredd celf. Gyda phinnau ffelt, pensiliau lliw a chardiau post, fe aethon nhw ati i dynnu llun yr hyn yr oedd corsydd Môn yn ei olygu iddyn nhw. O dylluanod gwynion mawreddog a gweision y neidr i gyrs yn siglo a blodau, fe ddaeth eu dychymyg nhw â’r corsydd yn fyw. Roedd rhai plant hyd yn oed wedi dychmygu sut byddai tylluan yn hoffi i’w bocs nythu gael ei addurno - gan freuddwydio am ddyluniadau clyd, artistig a fyddai'n gwneud i unrhyw aderyn deimlo'n gartrefol!

A scattered arrangement of children's drawings on a table, featuring various nature-themed illustrations such as owls, mice, snails, and flowers. The images show vibrant colors and imaginative designs created during a creative activity session.

NWWT Neil Dunsire

Cefnogi ymdrechion cadwraeth ar Ynys Môn

Cafodd y bocs ei greu gan The Owl Box, busnes lleol ar Ynys Môn, ger Llangaffo. Ers dros 20 mlynedd, mae The Owl Box wedi bod yn dylunio bocsys nythu i gefnogi eu hymdrechion i achub bywyd gwyllt. Mae pob pryniant yn helpu i ofalu am eu hadar ysglyfaethus sydd wedi'u hachub, gan sicrhau ail gyfle i fywyd gwyllt sydd mewn angen.

Ychwanegwyd y dyluniadau at y bocs tylluanod gan yr artist pyrograffeg dawnus Ginny West, sydd hefyd yn un o Fyfyrwyr Lleoliad Gwarchodfeydd Natur YNGC. Y canlyniad? Bocs nythu cwbl unigryw sydd nid yn unig yn ymarferol ond sydd hefyd yn dathlu creadigrwydd ein cymuned ni.

Neil Dunsire and Robin Lomas standing outside in front of a light-colored brick wall, smiling at the camera. They are showcasing a plain wooden owl box, designed for conservation purposes, which Robin’s company, The Owl Box, created. Robin is wearing a red and black plaid jacket, while Neil is wearing a North Wales Wildlife Trust jacket. The owl box sits on a small ledge beside them.

NWWT Neil Dunsire

Cartref newydd i fyd natur

Bydd y bocs tylluanod wedi’i addurno’n cael ei osod yn ei le yn fuan ar safle cors ar Ynys Môn, gan ddarparu cartref diogel a chroesawgar i dylluanod. Diolch i gamera solar y tu mewn, rydyn ni'n gobeithio rhannu lluniau byw o'r bocs os bydd tylluan yn dod i fyw ynddo - gan gynnig ffenestr unigryw i'n dilynwyr ni ar fywyd yr adar arbennig yma.

Rydyn ni mor ddiolchgar i’n cyllidwyr ni, sef Sefydliad Esmée Fairbairn a Chronfa Dreftadaeth y Loteri Genedlaethol, ac i bawb ddaeth i ymweld â’n stondinau ni ac a gyfrannodd eu gwaith celf. Cadwch lygad ar ein gwefan ni a’n cyfryngau cymdeithasol am ddiweddariadau am y bocs tylluanod – gobeithio’n wir y bydd teulu o dylluanod yn ei alw’n gartref yn fuan!

Two individuals, Neil Dunsire and Ginny West, standing indoors and holding a beautifully pyrography-decorated owl box. Both are smiling, showcasing the completed project. The background features posters and informational displays related to nature and wildlife conservation.

NWWT Reece Halstead

Swyddi Blog Cysylltiedig