Ynglŷn â'r digwyddiad

I’r rhai sy’n gwybod beth i chwilio amdano, mae rhedyn yn grŵp anhygoel ac amrywiol sy’n dod â’n hamgylcheddau ni’n fyw gyda’u ffrondau gwyrdd lliwgar.

Mae’n amser perffaith o’r flwyddyn i obeithio gweld y lloer-redynen brin iawn sy’n tyfu yn Aberduna. Byddwn hefyd yn cadw llygad am löynnod byw a phryfed eraill, gan gynnwys y fritheg berlog fach, yr argws brown a, gobeithio, gweision y neidr o gwmpas y pyllau.

Trefnwyd y digwyddiad hyn gan Gangen Wirfoddol Wrecsam o Ymddiriedolaeth Natur Gogledd Cymru.