![Bryn Pydew](/sites/default/files/styles/node_hero_default/public/2021-10/IMG20211024104344.jpg?h=19f14c2c&itok=71o0ePk8)
©NWWT
![A close up of a bright blue butterfly, with thick black outline to the back wings, and thin black lines radiating out from it's body on each wing. It's antennae are black with small pale blue bands nearer the head. The background is a bright green mottled colour, of out of focus vegetation.](/sites/default/files/styles/node_hero_default/public/2018-02/Silver%20studded%20blue_Guy%20Edwardes2020VISION.jpg?h=0d27ee61&itok=VmnIYzOd)
Silver studded blue © Guy Edwardes2020VISION
![Brown argus](/sites/default/files/styles/node_hero_default/public/2018-01/Brown_argus_c_Amy_Lewis.jpg?h=b887b0fc&itok=LuOZtyyn)
Brown argus © Amy Lewis
![Snowdrops](/sites/default/files/styles/node_hero_default/public/2019-01/snowdrops_Bob%20Coyle.jpg?h=e309cdcb&itok=uipVMBE4)
Snowdrops © Bob Coyle
Gwarchodfa Natur Bryn Pydew
Gwybod cyn i chi fynd
Cŵn
Pryd i ymweld
Amseroedd agor
Ar agor bob amserAmser gorau i ymweld
Gwanwyn ac yr hafAm dan y warchodfa
Calchfaen hyfryd
Ar ddiwrnod prysur o haf, mae bwrlwm y bywyd yng Ngwarchodfa Natur Bryn Pydew yn ail-greu llafur diwydiannol hen swyddogaeth y safle fel chwarel galchfaen. Mae palmentydd calchfaen am yn ail â rhedyn gwyrdd ir yn arwain i lawr i laswelltir llawn blodau (gan gynnwys digonedd o degeirianau) a phrysgwydd eithin, sydd wedyn yn ildio’u lle i goetir ynn ac yw. Mae’r amrywiaeth yma o gynefinoedd mewn ardal ddaearyddol mor fechan yn gartref i gyfoeth o blanhigion sydd, yn eu tro, yn sicrhau bod y safle’n gartref i amrywiaeth enfawr o infertebrata: mae mwy nag 20 o rywogaethau o löynnod byw a 500+ o rywogaethau o wyfynod wedi’u cofnodi yma. Ar nosweithiau cynnes, tywyll yng nghanol yr haf, efallai y byddwch yn ddigon lwcus i weld golau gwyrdd y pryfed tân yn disgleirio. Mae eu larfa’n bwydo ar y malwod niferus sydd yma!
Rhywogaethau anfrodorol anghynnes
Mae’r ardaloedd o galchfaen agored yn cael eu cadw’n glir o rywogaethau anfrodorol fel creigafal a derw bytholwyrdd. Heb eu harchwilio, byddent yn gwneud difrod i’r palmant ei hun ac yn rheoli’r casgliad o blanhigion. Mae’r glaswelltir yn cael ei dorri a’i glirio yn yr hydref i ddynwared gweithgarwch anifeiliaid pori, gan ei gadw mewn cyflwr da ar gyfer blodau gwyllt y flwyddyn ganlynol.
Oeddech chi’n gwybod?
Mae palmant calchfaen yn ffurfio drwy gyfuniad o erydiad a hindreuliad cemegol. Fel nodweddion daearegol arbennig, mae ganddynt eu terminoleg eu hunain: clintiau yw’r blociau o galchfaen sy’n ffurfio’r palmant; mae pantiau a cheudodau o’r enw karren yn gorchuddio eu harwyneb. Greiciau yw’r craciau dwfn sy’n gwahanu’r clintiau – gallant fod ymhell dros fetr o ddyfnder.
Cyfarwyddiadau
Mae’r safle yma yng nghanol y bryniau rhwng Llandudno, Llandrillo-yn-Rhos a Chyffordd Llandudno. Wrth ddod am Landudno ar hyd yr A470, trowch i’r dde am Esgyryn yn y cylchfan cyntaf ac wedyn troi i’r dde bob tro ar Ffordd Esgyryn, Ffordd Pydew a Ffordd Bryn Pydew. Mae’r maes parcio ar ffurf cilfan a’r fynedfa i’r warchodfa tua milltir ymhellach ymlaen (SH 818 798).